Presidentja e Kosovës, Vjosa Osmani, ka zhvilluar një takim me kryetarin e Parlamentit të Japonisë, Fukushiro Nukaga, ku është riafirmuar përkushtimi i ndërsjellë për forcimin e marrëdhënieve ndërmjet dy vendeve.

Osmani ka theksuar përkushtimin e palëkundur të Kosovës për thellimin e partneritetit me Japoninë, në funksion të interesave të përbashkëta dhe të qytetarëve.

“Gjatë takimit me Kryetarin e Parlamentit të Japonisë, z. Fukushiro Nukaga, riafirmuam përkushtimin tonë të palëkundur për thellimin e partneritetit ndërmjet Kosovës dhe Japonisë, në dobi të qytetarëve tanë dhe në shërbim të vlerave të përbashkëta. Mbështetja e Japonisë për popullin e Kosovës ka qenë thelbësore gjatë të gjitha fazave të shtetndërtimit, dhe synojmë që këtë partneritet ta ngremë në nivele edhe më të larta”, tha Osmani./Arbresh.info